يحيك بقلوبنا أجمل الابيات ..
ويكتب بألسنتنا أروع الذكريات ..
وينثر آلامنا حروفا وكلمات ..
ويصيغ معانتنا بأصدق الأهات ..
من الظلم أن نقول أنه شاعر كغيره
فهو يبدع كما لا يبدع غيره ..
ويكتب كما لا يكتبون ..
هو ليس ( البدر ) ..
بل هو ( الشعر ) بنفسه ..
.. بَدِر بن عَبَدالمٌحًسِنً..
..السيره الذاتيه ..
بدر بن عبد المحسن بن عبد العزيز
من مواليد مدينة الرياض في 2 ابريل عام 1949،
و هو الإبن الثاني لصاحب السمو الملكي
الأمير عبد المحسن بن عبد العزيز - رحمه الله - .
نشأ الأمير بدر بن عبدالمحسن في بيت علم وأدب
حيث كان والده الأمير عبدالمحسن بن عبدالعزيز - رحمه الله -
محباً للعلم والأدب، كما و انه شاعر مبدع
ولديه مكتبة ضخمة تضم العديد من الكتب
كما أن مجلس والده - رحمه الله - مليء بالعلماء
والأدباء وكبار المفكرين
في ذلك الوقت مما كان له الأثر البالغ - بعد الله -
في حب الأمير بدر للأدب والشعر.
من رجعك
من رجعك ؟
كنت السفر من رجعك ؟ ..
ضاع الطريق او ضيعك ؟
لاتقول أحبك لاتقول ..
عالي السكوت ماأسمعك ..!!
تذكر في يوم المفارق ؟
لما وقفت اوادعك ..
ناديت ياعمري أبيك
وبكيتها عيوني عليك ..
وتركتني الله معك
لاتقول أحبك لاتقول
عالي السكوت ماأسمعك ..!!
ياصوتك الناحل .. في ضـجة ظنــوني
أنت الزهر ذابل .. في قلبي وعيوني
صدقني مايفيد العتاب .. وصدقني مايكفي الندم
تبغاني أحبك للعذاب
والا أحبك لـ الالم ..
انا حتى مدري وش تقول
عالي السكوت ماأسمعك ..!!
في عيني تغيب الشمس وتشرق بعيني
في ناظري للشمس موتٍ وميلاد
لليل في دمعتي سنا نجمتيني
وللصبح في جفني شفق هم وسهاد
كن السهر دربِ عليه بتجيني
ولا ودي اقطع درب لاماك برقاد
ياللي جميع الناس بينك وبيني
كل لحظة أبنتظر منك ميعاد
عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه
عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ... !!
يا ممنى حياتي .. بالسحاب :
وين غيث المحبه .. ما هما..?
اجدبت بالحشا..
[أرض العذاب]
واشتكت من تجافيك السما..!
- كيف ترضى عليّ .. طول الغياب..?!
وانت حبك جرى مجرى الدما..!
( للهُ دُرهُ مَ أعذبه )
’